Grußwort  

Moinmoin, leeve Lü ut Bäösel un van annerwägs !

Ick gräute jau up dei Internet-Siete van dei Gemeinde Bäösel. Ick looe jau in, use Gemeinde kennen tau leeren.
Up disse Sieten käönt ji heel masse tau wääten kriegen äöwer dei Gemeinde Bäösel, äöwer ehre Politik, ehre Verwaltung un ehre Wirtschaft, aower uck äöwer dei Vereine, dei’t in uuse Gemeinde giff, un wat an Kultur un wat för dei Fritid anboen wedd. Dat schall mi fraien, wenn ji dat, wat hier boen wedd, annähmt un wenn ji jau äöwer dei Gemeinde Bäösel ein bitken schlau maoken daut. Bäösel iss jao ene Gemeinde, dei masse van dei Familie hollt un dorum uck masse för dei Familien dait.

Bäösel iss eeine Gemeinde mit eeine lange Geschichte un Tradition. Tau dei Tradition van Bäösel höert uck dei nederdütsche Spraoke. Disse Spraoke gaiht gans wiet trügge, bit in dat fräuhe Middelalder un noch wieder. Dorüm maokt sei eein Stück van use Identität ut. Dei Gefohr bestaiht aower nu, dat disse Spraoke utstarwen daiht. Dat beklaoge wi. Üm up disse Gefohr hentauwiesen, aower uck üm tau wiesen, dat wi achter disse Spraoke staoht, hebbt wi eeinige Texte uck up Nederdütsch äöwersättet.

Ji käönt mi glöwen, dat aale, dei bi dei Gemeinde anställt sünd, un uck ick sülwes ümmer up dat, wat ji us seggen wöölt – off dat nu ein Raot iss oder eine Kritik – gern hörn daut. Wenn ji persönlik mit us schnacken wöölt, dann gäw ick jau den Raot, dat ji einen Termin offmaoket. Roopet an unner dei Nummer 0 44 94 /89 – 13. Unner disse Nummer käönt ji mi uck persönlik tau faoten kriegen. Dat gaiht aower uck äöwer E-Mail, miene Adresse lutt: h.block.gemeinde@boesel.de .

Masse Spaoss wünschke ich jau nu, wenn ji use Gemeinde kennen leert.

Van Haaten gräute ick jau!

Hermann Block
Jau Börgermester